Exemples de transcriptions
Acte notarié de 1413 à Rouen (extrait)
A tous ceulz qui ces lectrez verront ou orront Estienne Legros Garde du seel des obligacions de la Sergenterie de Longueil salut;
comme il soit ainsi que Damoiselle Emeline vefve de feu Ysambart Martel jadis escuier fust en propos de donner a venerable
et discrette personne Maistre Jehan Martel clerc et escuier son filz et a ses heritiers cest assavoir le tiers de tous ses heritages
rentes et revenues quelconcques; Et que icelle Damoiselle luy eust donne [.....] et [.....] sa vie durant le manoir maisons
terres et revenues quelconques appartenans au manoir Denglesqueville appartenant a la dicte Damoiselle; comme il peult plus
a plain apparoir par les lectrez sur ce faites [.....] lesquelles ces presentes sont annexees; Et pour ce que icelle Damoiselle disoit quelle estoit
[.....] et pensant que le dict don nestoit pas le tiers de ses terres rentez et revenues et aussi que le dit don nestoit que a la vie
dudit Maistre Jehan son dit filz comme il peult apparoir par les dictes lectres annexees; Savoir faisons que par devant Robin Lepoly [
Acte notarié de 1476 à Rouen (extrait)
A Tous ceulx qui ces presentes lectres verront ou orront Jehan Courel Garde du seel des obligacions de la Viconté de
Rouen Salut savoir faisons que pardevant Nicolas C[.....] et Pierre Vincent tabellions jurez en la dicte Viconté pour le Roy Nostre Sire, fut present
Noble Homme Pierre de Franqueville et Damoiselle Jehanne Banastre son espouse lesquelz la dicte Damoiselle auctorisee par
son dit mary quant a faire et passer avec lui ce qui ensuit en obtemperant a la faculte de racquit quilz disoient encore durer
par prolongement par eulx donne de dix livres tournois de rente a heritage qui donnée leur avoient esté en traicté
de leur mariage dentreulx par Jehan Banastre escuier pere de la dicte Damoiselle de la vendue et obligacion de Raoul
Martel escuier Seigneur Destalleville et Damoiselle Jehanne de Canville sa mere veufve de deffunct Jehanquim
Martel en son vivant escuier, a prendre sur tous leurs biens et heritaiges aux termes jouxte les lectres de ce faictes
et passees devant Guillaume Delamare et Colin Davy tabellions en la Viconte de Caudebec en la sergenterie de Granville
le cinquiesme jour de fevrier mil CCCC soixante sept de leurs bons grez et voullontez sans aucune contraincte congneurent [
Acte notarié de 1568 à Périgueux (extrait)
Saichent tous quil apartiendra que
comme cydevant et dez le premier jour de juilhet
mil cinq cens soixante huict Anthoine Durieu dict
le Petit heust vandu tant pour et en
son nom que de Maistre Pierre Durieu son frere
et en vertu de sa procuration a ce expresse
a Maistre Charles Durieu procureur ez Sièges
royaulx de la dicte ville de Perigueux, de troys
parties, les deux troys parties faisant le
tout de tous et chascungs les biens que
apartenoient ausdictz Maistre Pierre et Anthoine
Durieu en la jurisdiction de Grinholz sous pacte
de rachapt de deux ans.
Acte notarié de 1575 dans le Marquisat de Breval (extrait)
Lan mil cinq cens soixante et quinze
le cinquiesme jour doctobre, devant nous Pierre Anceau
bailly prevostal de la ville et bailleage de
Breval, de Damoiselle Challotte Lengloix fille
et herritiere de deffunct Jacques Lengloix
de son vivanct Gentilhomme de La Faulconnerye
de Roy et Damoiselle Jehanne Martel ses pere
et mere. La dicte Lehanne fille et heritiere de
deffunct Raoult Martel en son vivant escuier
Sieur de Chambinnes et Damoiselle Catherinne
Charuel sa femme. Demandaresse et requerante
en partaige par Noel Chenu licentyé es loix et
son conseil et procureur dune part; A lencontre de Messire
Nicolle Martel escuier prestre en son nom heritier
de deffunct Jehan Martel escuier; ledict Jehan
filz dudict Raoulxt et encores comme tucteur et curateur [
Aveu de 1589 à Surville (extrait)
De Noble Damoiselle Margueritte Despiney veufve de feu noble homme Loys
de Houetteville en son vivant Seigneur de Mesgremont, Muyds, Sorville, le Camp
Jacquet, Cantellou, Vacherye et du fief Troppellee, ayant la garde noble
de ses enffans yssus dudict desfunct et delle; Nous Andrieu et
Nicollas dictz Ladvoise frères tenons et advons a tenir de la dicte
damoiselle en la qualité susdicte en sa Seigneurye Danneboult assyze audict
lieu de Sorville, C'est assavoir demye vergée de terre
assyze en la dicte parroisse de Sorville au hamel de la Vacherye
au triege des fogeres bournee dun costé Jehan Goujon, daultre
costé les hoirs Guillemme Resne, dun bout les Fogeres [
Acte notarié de 1615 à Bordeaux (extrait)
Cejourdhuy dimenche apres midy vingt sixiesme du
moys de juillet mil vi cent quinze pardevant moy notaire
royal a Bourdeaulx et en Guyenne soubz signé et tesmoingtz bas nommez;
A esté present en sa personne Noble Jean Durieux habitant de
Perigueulx, lequel en effectuant le contract de transaction
faict et passé entre luy comme adjudicataire des biens et
maison noble de la Mothe Sudour et Jeanne de Chalup damoizelle
receu par moy dict notaire le dix neufiesme jour du present moys,
icelluy a payé baillé et delivré comtant reallement
et de faict sur ces presentes a Maistre Jean Bonyer procureur du Roy
en leslection de Guyenne present et recepvant la somme
de huit cent livres tournois en deux cent guinées pièces
de seze sols faisant la dicte somme; laquelle somme [
Acte notarié de 1636 à Paris (extrait)
] ni aultrement tenir et concedder & en ordonner
& dispozer tant par testament ordonnances
de derniers vollontés donation faite entre vifz
ou aultrement & que ces heritiers ou
aultres en faveur desquelz il en aura dispozé
qui puissent, pourveu quilz soient requi[.....]
succedder prendre et aprehender la
succession et jouissance de ses dictz biens
tout ainsy que silz estoient originairement
natifs de nostre dict royaulme & pays
& generallement que le dict de Litolfy [
Acte notarié de 1685 à Evreux (extrait)
Lesquelle solidairement sans division ont volontairement
nommé et constitué par ces presentes leur procureur général
spécial et irrevocable la personne de Messire François
de Litolphy Maroni prestre licentié en droit civil et
canom, archidiacre en leglize cathedralle d'Evreux
demeurant a Gauville aussy a ce present; auquel ilz
ont donné et donne pouvoir de pour elles et en leur
propres et privez noms recepvoir de Dame Magdeleine
Hébert veufve de feu Jacques Paul de Maslon vivant
Escuier Conseiller du Roy et d'Amable de Maslon Escuier [
Acte notarié de 1696 à Jaure (extrait)
] disant « in nominé patris et filii et spiritus sancti amen » apres a
recommandé son ame et corps a dieu le pere tout puissant, a la bien
heureuse vierge Marie et a tous les Saints et Saintes de Paradis les priant
dintercéder pour elle envers nostre Seigneur et nostre dieu afin que quant il
plaira a sa divine bonté séparer son ame de son corps il luy plaize
la retirer en son paradis et veut son corps estre porté et ensevely au
simentiere de lesglise parroissielle dudit Jaure et es tumbeaux dudit Maistre Jean
Dujarric son gendre et pour ses obseques et funerailhes sen remest a la
discretion et volomté dudit Dujarric lequel il prie de ce faire faire aux
despens de lheredité de la dite testaresse. Item dict la dicte testante avoir esté [